ભરૂચ: Palmland Hospital પરિવાર દ્વારા “Bharat Bhagya Vidhata” ફિલ્મનું વિશેષ આયોજન, નર્સિંગ સ્ટાફ માટે કરવા માં આવ્યું
ભરૂચ: Palmland Hospital પરિવાર દ્વારા “Bharat Bhagya Vidhata” ફિલ્મનું વિશેષ આયોજન, નર્સિંગ સ્ટાફ માટે કરવા માં આવ્યું
ભરૂચની Palmland Hospital દ્વારા પોતાના નર્સિંગ સ્ટાફના સન્માન અને ઉત્સાહવર્ધન માટે “Bharat Bhagya Vidhata” ફિલ્મના વિશેષ શોનું આયોજન કરવામાં આવ્યું હતું. આ પ્રસંગે હોસ્પિટલ પરિવાર સાથે મોટી સંખ્યામાં નર્સિંગ સ્ટાફ ઉપસ્થિત રહ્યો હતો.
હોસ્પિટલ સંચાલકોએ જણાવ્યું હતું કે નર્સિંગ માત્ર એક વ્યવસાય નથી, પરંતુ સેવા, સમર્પણ, કરુણા અને માનવતાનું જીવંત પ્રતિક છે. દર્દીઓની સતત સેવા, તેમની સંભાળ અને મુશ્કેલ સમયમાં માનસિક સહારો આપતા નર્સિંગ સ્ટાફનું યોગદાન આરોગ્ય ક્ષેત્રમાં અત્યંત મહત્વનું છે.
“Bharat Bhagya Vidhata” જેવી પ્રેરણાદાયી ફિલ્મો સમાજને એ યાદ અપાવે છે કે સાચા હીરો માત્ર સરહદો પર કે મોટા મંચો પર જ નથી હોતા, પરંતુ હોસ્પિટલોમાં દિવસ-રાત દર્દીઓની સેવા કરતા નર્સિંગ સ્ટાફ પણ સાચા અર્થમાં હીરો છે.
આ અવસરે Palmland Hospital દ્વારા તમામ નર્સિંગ સ્ટાફને તેમના અમૂલ્ય યોગદાન બદલ હાર્દિક અભિનંદન પાઠવવામાં આવ્યા હતા. હોસ્પિટલ પરિવાર દ્વારા જણાવાયું હતું કે નર્સિંગ સ્ટાફની નિષ્ઠા, કરુણા અને સમર્પણ હજારો દર્દીઓના જીવનમાં નવી આશા અને વિશ્વાસનું સંચાર કરે છે.
કાર્યક્રમ દરમિયાન સૌએ ફિલ્મનો આનંદ માણ્યો હતો અને નર્સિંગ સ્ટાફના સન્માન માટે કરવામાં આવેલા આ આયોજનને બિરદાવ્યું હતું. Palmland Hospital દ્વારા પોતાના કર્મચારીઓના મનોબળને વધારવા અને તેમની સેવાઓને બિરદાવવા માટે કરવામાં આવેલો આ પ્રયાસ સૌ માટે પ્રેરણારૂપ બન્યો હતો.
રિપોર્ટર ભરૂચ
