વડુ ગામમાં હાઈટેન્શન લાઈનનો કરંટ અયાઝ સિંધા ને લાગતા યુવકનું કરુણ મોત
પાદરા તાલુકાના વડુ ગામના સીમ વિસ્તારમાં આવેલા સુકા આંબા પાસે મસ્જિદે ફેજે રસૂલના ડેકોરેશનનું કામ ચાલી રહ્યું હતું. આ દરમિયાન મસ્જિદના ધાબા પર ડેકોરેશન માટે ચડેલા એક યુવકને નજીકમાંથી પસાર થતી હાઈટેન્શન લાઈનના વાયરનો કરંટ લાગ્યો હતો.
કરંટ લાગતાં યુવકને તાત્કાલિક સારવાર અર્થે વડુ સરકારી હોસ્પિટલ ખાતે લઈ જવામાં આવ્યો હતો. જોકે, ફરજ પરના તબીબે તેને મૃત જાહેર કર્યો હતો.
યુવકના કરુણ મોતના સમાચાર મળતાં જ વડુ ગામમાં શોકની લાગણી ફેલાઈ ગઈ હતી. ઘટનાને પગલે પરિવારજનો સહિત ગ્રામજનોમાં ભારે દુઃખની લાગણી જોવા મળી હતી.
