વરસાદી પાણીના ઝડપી નિકાલ, રસ્તાઓને કચરામુક્ત રાખવા અને વાહનચાલકો તથા રાહદારીઓની અવરજવર સતત ચાલુ રહે તે સુનિશ્ચિત કરવા માટે અલગ-અલગ વિસ્તારોમાં VMCની રોબોટિક ક્લીનિંગ મશીન અને ટ્રેક્ટર ટીમો તૈનાત કરવામાં આવી છે.

ભારે વરસાદ વચ્ચે વડોદરા શહેરને સ્વચ્છ અને

સુરક્ષિત રાખવા મહાનગરપાલિકાની ટીમો મેદાનમાં

રોગચાળો અટકાવવા અને વાહનવ્યવહાર સુગમ રાખવા માટે ચોવીસ કલાક સફાઈ ઝુંબેશ અને રોબોટિક મશીનરી તૈનાત

(વડોદરા, તા.૨૪ જુલાઈ ૨૦૨૬, શુક્રવાર) વડોદરામાં ભારે વરસાદ ચાલુ રહેતાં, વડોદરા મહાનગરપાલિકાએ સ્વચ્છતા જાળવવા અને પાણીથી ફેલાતા રોગોનો ઉપદ્રવ અટકાવવા માટે સફાઈ અને ગટર કામગીરી વધુ ઝડપી બનાવી છે. પડકારજનક હવામાન પરિસ્થિતિઓ છતાં શહેર સ્વચ્છ અને આરોગ્યપ્રદ રહે તે માટે સફાઈ કર્મચારીઓ અથાક મહેનત કરીને કચરો દૂર કરી રહ્યા છે અને કાદવ-કીચડ સાફ કરી રહ્યા છે.

વરસાદી પાણીના ઝડપી નિકાલ, રસ્તાઓને કચરામુક્ત રાખવા અને વાહનચાલકો તથા રાહદારીઓની અવરજવર સતત ચાલુ રહે તે સુનિશ્ચિત કરવા માટે અલગ-અલગ વિસ્તારોમાં VMCની રોબોટિક ક્લીનિંગ મશીન અને ટ્રેક્ટર ટીમો તૈનાત કરવામાં આવી છે. મહાનગરપાલિકાએ જણાવ્યું હતું કે, અવિરત સેવાઓ પૂરી પાડવા અને ચોવીસે કલાક જાહેર સુવિધાની સુરક્ષા માટે તમામ કામગીરી પૂરી તકેદારી અને નિષ્ઠા સાથે કરવામાં આવી રહી છે.

વીએમસીએ પણ નાગરિકોને સ્વચ્છતા જાળવીને અને શહેરને સુરક્ષિત તથા સ્વસ્થ રાખવાના આ સામુહિક પ્રયાસમાં પોતાનું યોગદાન આપીને સફાઈ કર્મચારીઓને સહયોગ આપવા અપીલ કરી છે.

પાટવી ગુજરાતી ન્યૂઝ સહતંત્રી મનુભાઈ ગોહિલ